Ciidanka Kumaandooska xoogga dalka ee Danab iyo kuwa dib u xoreynta deegaanka ayaa howlgallo lagu baacsanayo haraadiga khawaarijta ka sameeyey Deegaanka Ceel Cali Gasle oo dhanka waqooyi ka xiga deegaanka Ceel Cali Axmed ee Gobolka Shabeellada dhexe.
Ciidanka ayaa cagta mariyay goobo ay gabaad ka dhiganayeen argagixisada oo ay ku dhibaateyn jireen dadka shacabka ah.
Saraakiisha hoggaamineysa howlgalka ayaa sheegay inay burburiyeen saldhigyo ay Khawaarijta ku lahaayeen deegaankaas, ayna ku raadjoogaan firxadka Khawaarijta.
