Ciidamada qalabka sida ee Soomaaliya iyo kuwa midowga Africa ee AMISOM ayaa kaabiga ku haya degmada bula burde ee gobolka Hiiraan, iyagoo galbinaya raashin gar gaar oo maamulka gobolka Hiiraan ugu talo galay dadka ku dhaqan magaalada Bula burde ee gobolkaasi.
Ciidamada oo shalay ka dhaqaaqay magaalada Beledweyne ee xarunta gobolka Hiiraan ayaa wax ka yar 5km u jira magaalada bula burde sida uu ku soo waramayo wariyaha warbaahinta Qaranka ee gobolka Hiiraan C/shakuur , waxaana intii ay ku jireen wadada u dhexeysa degmooyinka bul burde iyo Beledweyne ay gacanta ku dhigeen deegaanno badan, waxaana dharbaaxo xoog leh ay ku dhifteen maleeshiyaadka isku biirsaday gumaadka umadda Soomaaliyeed ee UGUS.
Inkastoo ciidamada qalabka sida ee Soomaaliya iyo kuwa AMISOM ay dagaalo aan badneyn la galeen Kooxda nabad diidka UGUS maadaama awoodoodii la wiiqay ayaa waxa ay ka furteen gaadiid iyo hub ciidan, waxaana howlgalka oo isugu jiray gar-gaar gaarsiin iyo baacsiga kooxdaasi ayaa waxa uu ahaa mid ciidamada sida ay rabeen u fulay.
Magaalada Bula burde ayaa waxa ay ka mid tahay magaalooyinka laga saaray argagaxisada UGUS, iyadoo magaalada ay ka jiraan xaalada aad u liita inkastoo Dowladda Soomaaliya ay dadaal dheer u gashay caawimaada dadka ku nool magaaladaasi oo laba mar oo hore raashin gaarsiisay waxaana raashinkani ciidamada ay galbina
