Ciidanka Kumaandooska Xoogga Dalka ee Danab iyo Gorgor oo ay wehlliyaan kuwa Degaanka ayaa Khawaarijta Al-Shabaab kala wareegay degaanka Cali Heele oo hoos-taga Magaalada Galcad ee Gobolka Galgaduud.
Ciidanka Xoogga ayaa deegaankaasi kawada howlgallo amniga lagu xaqiijinayo, laguna baadigoobayo haraadiga Maleeshiyaadka nabad diidka Al-Shabaab ee isaga baxay degaankaas, kuwaas oo la sheegay in firxadkoodu uu gaaray degaanno kale oo katirsan Galgaduud.
Maalmihii la soo dhaafay Ciidanka xoogga dalka iyo kuwa degaanka ayaa si xowli ah ugu sii siqayeen degaanno badan oo katirsan gobolka Galgaduud, kuwaasi oo ay ku sugnaayeen maleeshiyaadka Khawaarijta Al-Shabaab.
