Ciidamada xoogga Dalka oo howlgallo ka dhan ah Al-shabaab ka sameeyey Gobolka Gedo.

Ciidanka Xoogga Dalka Soomaaliyeed, Ururka 49-aad, Guutada 10-aad qeybta 43-aad ayaa howlgallo baaxad leh ka sameeyay degaanno ka tirsan Magaalada Baardheere ee Gobolka Gedo.

Howlgalladan oo lagu baacsanayay haraadiga kooxda nabad diidka ah ee Al-Shabaab ayay Ciidanku kula wareegeen  degaanno  badan oo ay ku waxyeelleyn jireen Dadka Rayidka ah.

Related posts

𝐑𝐚’𝐢𝐢𝐬𝐮𝐥 𝐖𝐚𝐬𝐚𝐚𝐫𝐞 𝐗𝐚𝐦𝐬𝐚 “𝐂𝐢𝐢𝐝𝐚𝐧𝐤𝐚 𝐱𝐨𝐨𝐠𝐠𝐚 𝐝𝐚𝐥𝐤𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝 𝐰𝐚𝐱𝐚𝐚 𝐚𝐲 𝐥𝐚𝐟-𝐝𝐡𝐚𝐛𝐚𝐫 𝐮 𝐲𝐢𝐡𝐢𝐢𝐧 𝐝𝐨𝐰𝐥𝐚𝐝𝐧𝐢𝐦𝐨 𝐱𝐨𝐨𝐠𝐠𝐚𝐧.”

July 3, 2025

Duqa Muqdisho oo la kulmay madaxda UNOPS si loo dardargeliyo dib-u-dhiska waddooyinka

July 3, 2025

Taliyaha Ururka 49-aad, guutada 10-aad qeybtiisa 43-aad, Dhamme, Cali Maxamed Xasan, ayaa sheegay in ay Cadowga ka sifeeyeen degaannada ku xeeran Baardheere ee dhaca Webiga labadiisa geddi.

Wuxuu sheegay Taliyuhu in howlgalladan ay soo socdeen illaa Tobadkii dambe ee Bisha ramadaan, iyagoo ka cirib tiran masaafo gaareysa 35 km oo isku weer ah, halkaas oo ay Argagixisadu ku waxyeelleyn jireen Dadka iyo Gaadiidkuba.

Tuulooyinka Bakal, mataanaha iyo Buurweyn, oo ah goobihii ugu dambeeyay ee cadowga laga fara maroojiyay ayuu sheegay taliyuhu in ay Shacabka halkaasi ku dhaqan aad usoo dhaweeyeen.

Howlgalka la dagaallanka Argagixisada oo haatan si isku mid ah ugu socdo goobaha ay Dalka kaga dhuumaaleysanayaan Al-Shabaab ayaa waxaa horay ugu dhowaaqay madaxda ugu sarreeysa Dalka, kaas oo haatan maraya meel wanaagsan.