Ciidamada Xoogga dalka oo Kooxda Argagixisada Al-Shabaab ka Xoreeyay deegaanka Baar Sanguuni+Sawirro

Ciidamada Xoogga dalka qeybra 43-aad ayaa Kooxda Nabadiid Al-Shabaab ka saaray degaanka Baar Sanguuri oo qiyaastii Magaalada kismaayo u jirta 45 km ee gobolka jubbada hoose.

Howlgalka Al-shabaab looga xureeyay Baar-sanguuri ayaa waxaa si wada jir ah u fuliyay ciidamada xoogga dalka qeybta 43aad, iyo ciidamada daraawiishta jubbaland

Taliyaha ciidanka xoogga qeybta 43Aad General Cismaaciil Saxardiid oo la hadlay idaacada ciidamada qalabka sida ayaa sheegay in ciidamada xoogga dalka Soomaaliya ay Kooxda Argagaxisada Al-shabaab ka saareen deegaanka Sanguuni ee Gobolka jubbada hoose

Howlgalka Al-shabaab looga xureeyay degaanka sanguuni ayaa waxaa ka qeyb qaatay diyaaro hero kabtar ah oo ay wadteen ciidamo u dhashay wadanka mareynkanka sidaasi waxaa inoo sheegay general saxardiid

Sidoo kale taliyaha qeybta 43aad ee Xoogga dalka Soomaaliya waxa uu sheegay in dagaalka lagu xureeyay deegaanka Sanguuni in Al-shabaab looga dilay 7-maleyshiyaad ah iyo 4 horjooge uu ka mid yahay horjoogihii Al-shabaab u qaabilsanaa deegaanka

Ciidamada xoogga dalka Soomaaliya ayaa gacanta ku dhigay gadiidka dagaalka oo ay lahaayeen Nabadiidka Al-shabaab kuwaasi oo taliye saxardiid uu ku sheegay labo gaadiid oo ah kuwa dagaalka

Ciidamada xoogga dalka soomaaliya ayaa mudooyinkii dambe kordhiyay howlgalada ka dhan ah Nabadiidka Al-shabaab ee dalka looga xureynayo

Generaal Saxardiid ayaa sheegay in deegaanada fara ku tiriska ay Al-Shabaab gacanta ku hayaan ku dhibaateeyaan dadka masaakiinta ah ee halkaasi ku sugan,iyagoo si xooga waxay heystaan ugu qaata.