Ciidamada Xoogga Dalka oo kaashanaya dadka deegaanka, ayaa maanta si buuxda ula wareegay magaalada Masagawaa ee gobolka Galguduud, halkaas oo muddo badan ay argagixisada shacabka ku dhibaateyn jireen.
Generaal Cali Caraale Cosoble Gacmo Duulle oo ka mid ah saraakiisha hoggaamineysa dagaalka ka dhanka ah Khawaarijta, ayaa warbaahinta Qaranka u xaqiijiyay in ciidanka huwanta ah ay gudaha u galeen magaalada Masagawaa ka dib dagaal kooban oo halkaas ka dhacay.
Maleeshiyadii Khawaarijta ayaa isaga cararay degmada, iyadoo ciidamada ay ku sii daba jiraan firxadka Khawaarijta.
โ Ciidamada dowladda, ayaa weerarray degmada, cadowga waa carareen hadda firxadkooda ayuu ciidanka sii daba socdaa, magaalana waa amniga oo ciidanka ayaa gudaha ku sugan,โ ayuu yiri Generaal Gacma Duulle.
Ciidamada xoogga dalka ayaa ku guuleystay in ay Khawaarijta Al-shabaab ka tir tiraan gobolka Shabeellaha dhexe iyo Hiiraan, iyagoo hadda u gudbay Galgaduud oo maleeshiyada firxad ka tahay.
Ciidanka dowladda Federaalka Soomaaliya iyo kuwa deegaanka,ayaa maalmihii ugu dambeeyay dhaq-dhaqaayo ka waday deegaanno hoostaga Masagawaa, waana magaaladii ugu dambeysay ee laga saaro khawaarijta.
