Ciidamo ka kala tirsan Gorgor iyo Harmacad ayaaย gaaray magaalada Matabaan ee gobolka Hiiraan, kuwaas oo qeyb ka qaadanaya sugidda amniga degmadaas.
Ciidankaan ayaa ka soo baxay magaalooyinka Guriceel iyo Dhuusamareeb, waxayna fariisimo waaweyn ka sameysteen gudaha iyo daafaha magaalada Matabaan.
Xaaladda degmada Matabaan ayaa degan, kadib markii shalay laga hor tegay weerar nabadiidka Al-Shabaab ay ku doonayeen inay ku qabsadaan magaalada.
Ciidamo u badan boolis oo ku sugan Matabaan ayaa ka hor tagay qorshihii argagixisada, mana jiraan wax khasaare ah oo ka dhashay, markii laga reebo jab la gaarsiiyey nabadiidkii isku deyey inay soo weeraraan degmada Matabaan.
