Ku dhawaad 500 oo ciidan Boolis ah oo ay yeelaneyso Degmadda Baardheere ee Gobolka Gedo ayaa waxaa tababar u soo xiray Taliyaha Ciidanka Booliska Soomaaliya Baashir Cabdi Maxamed.
Ciidanka ayaa waxaa uu tababar u socday mudo kabadan todobo bilood, waxaana kala qeyb galay Munaasabadda Xiritaanka Maamulka Gobolka Gedo iyo sidoo kale kan degmada Baardheere.
Taliyaha Ciidanka Booliska Soomaaliya ayaa sheegay in Ciidankan qeyb ka qaadanayan xoreynta deegaanada Al-Shabaab heystaan.
Sidoo kale Saraakiisha Malatariga ee halkan ku sugan ayaa sheegay inay aad u soo dhaweynayaan in qaar ka mid ah Gobolka Gedo degmooyinkiisa yeeshaan Ciidan Boolis ah tan iyo burburkii dalka ka dhacay kadib.
