Ciidanka boolisku waxa ay ku dileen Degmada Kaaraan ee Gobolka Banaadir Dhagarqabe ku hubaysnaa Bastoolad.
Dhagarqabahan waxaa dilay Askari uu doonayay inuu gaadmo ku dilo oo ka feejignaa dhagarta Argagixisada, taasi oo keentay in askariga uu toogto dhagarqabihii ka tirsanaa maleeshiyada Al-Shabaab.
Ciidanka Booliska ayaa wada howlgallo amniga Caasimadda lagu xaqiijinayo oo ay ka fulinayaan Degmooyinka Gobolka Banaadir, kaasi oo ujeedkiisu tahay ciribtirka argagixisada, Burcadda hubeysan iyo guud ahaan dadka geysanaya dembiyada Abaabulan.
