Wararka naga soo gaarayo Degmada Balad-xaawo ee Gobolka Gedo ayaa shegaya in Ciidamo ka tirsan Dowladda Federaalka gaar ahaan kuwa Booliska ee sida gaarka u tababaran ee loo yaqaano Haramcad ayaa saakay howlgalo kala duwan ka wada degmadaas.
Ujeedka Howhalka ka socda Balad-xaawo ayaa Saraakiisha Ciidanka dowladda waxaa ay ku sheegeen inuu yahay mid looga hortego waxyaabaha degmadaas kasoo galaya dhanka Xuduudka Kenya sida Jaadka iyo waxyaabo kale .
Saraakiisha Ciidanka dowladda ayaa waxaa ay tilmaameen in howlgalka ay ku doonayan inay uga hortegaan in Balad-xaawo Qaadka looga keeno dalka Kenya iyo waxyaabaha kale ee maandooriyaha ah.
Dowladda Federaalka Soomaaliya ayaa kal hore Ciidamo badan geysay Degmada Balad-xaawo ee Gobolka Gedo, iyagoona halkaas ka sameeyay howlgalo kala duwan oo lagu xaqiijinayo amniga.
