Guddoomiyaha gobolka ahna duqa magaalada Muqdisho mudane Cumar Maxamud Maxamed (Cumar Filish) ayaa dhagax dhigay dhismaha wadada dheer ee isku xirta Aargada degmada Deyniile ama wadada kuliyada Jaale Siyaad ilaa gobalada Shabeelaha Hoose iyo Shabeelaha Dhaxe wadadaasi oo hor marto xarunta degmada Deyniile.
Wadadani oo duqa Muqdisho dhagax dhigay ayaa ah mid aad u bur bursan oo dhismaheeda ay baahi weyn u qabeen bulshada reer Deyniile islamarkaana isticmaal keeda dhibaatooyin kala duwan lagala kulmi jiray.
Maamulka Gobolka Banaadir ayaa dadaal xoogan ku bixinaayo sidii loo soo celin lahaa bilicda magaalada Muqdisho isla markaana loo dhisi lahaa dhamaan wadooyinka Magaalada Muqdisho.
