Ciidanka Xoogga dalka, gaarahaan cutubyo ka tirsan Kumaandooska DANAB, ayaa howlgallo ka dhan ah Maleeshiyaadka Khawaarijta Al-Shabaab ka fuliyay degaanno ay ku dhumaleeysanayeen oo u dhaxeeya Magaalada Beledweyne iyo degaanka Halgan ee Gobolka Hiiraan.
Degaannadan ay ciidamada howlgalka ka fuliyeen oo dhinaca Jiinka Wabiga dhaca ayaa sida la sheegay waxaa isku aruursanayay haraadiga maleeshiyaadka Khawaarijta ee ku jabay dagaaladii dhawaan ay la galeen Ciidamada Xoogga iyo dadka degaanka.
Saraakiisha Ciidamada Kumaandooska DANAB ee howlgalka fuliyay ayaa sheegay in wax iska caabin ah aysan kala kulmin argagixisada, isla markaana ay burburiyeen dhufeeysyo ay ka sameysteen inta u dhaxeeysa Magaalada Beledweyne iyo degaanka Halgan.
Ciidanka Kumaandooska Xoogga dalka Soomaaliyeed ee DANAB, ayaa qeyb muhiim ah ka qaatay dagaalka dib u xoreeynta degaanada ay gacanta ku hayeen maleeshiyaadka Khawaarijta.
