Howlgallo qorsheysan Ciidamada Xoogga dalka, gaar ahaan ururka 84-aad, guutada 14-ka October ay ka fuliyeen degaano u dhow deegaanka Janaale ee gobolka Shabeellada Hoose, ayay Gacanta ku soo dhigeen dhagarqabe ka tirsan argagixisada nabad diidka Al-Shabaab.
Abaanduulaha ururka 84-aad ee guutada 14-ka October labo xidigle Cali Mahdi Beerdiide oo howlgalka hogaaminayay ayaa warbaahinta Qaranka u sheegay in dhagarqabaha ay gacanta ku soo dhigeen uu argagixisada u qaabilsanaa qeybta Sahanka, sidoo kalena ay kuwadaan baaritaano dheeraad ah.
Intii uu Howlgalka socday ayay Ciidamadu burburiyeen Maxkamad beenaadyo ay argagixisadu si dhuumaaleysi ah ugu baadi jireen shacabka ku nool tuulooyinka hoos taga magaalada Janaale ee gobolka Shabeellada Hoose.
