Ciidanka xoogga dalka Soomaaliyeed ayaa fashiliyay isku day weerar oo maleeshiyaadka Khawaarijta Al-shabaab ay subaxnimadii saakay kusoo qaaddeen fariisimaha Ciidanka xoogga dalka ay ku leeyihiin deegaanka Daarul-niciim ee gobolka Shabeellada dhexe.
Ciidanka xoogga ayaa khawaarijta ka dilay in ka badan 30 kamid ah malleeyshiyaadkooda iyo Horjoogayaal, waxaana halkaasi loogu furtay hub fara badan sida uu Warbaahinta Qaranka u sheegay Taliyaha Ciidanka lugta ee xoogga dalka Soomaaliyeed Janaraal, Maxamed Tahliil Biixi.
Janaraal, Biixi ayaa sidoo kale sheegay in maleeshiyaadka khawaarijtu ay ka carareen meyd iyo dhaawac badan welina lagu raad joogo firxadkooda.
