Kooxda Liverpool ayaa maanta ku dhawaaqday in ciyaaryahan Suso uu ku biiray kooxda AC Milan oo ka ciyaarta horyaalka talyaaniga.
Ciyaaryahan Suso oo 21-jir ah una dhashay dalka Spain ayaa boos ka waayay kooxda Liverpool oo uu ku soo biiray sanadkii 2011.
Ciyaaryahan Suso oo khadka dhexe ka ciyaara ayaa 21-kulan oo kaliya u saftay kooxda Liverpool,waxana uu u dhaliyay hal gool oo uu ka dhaliyay kooxda Middlesbrough ciyaar ka tirsaneyd koobka Capital One Cup.
Qoraal kooban oo ka soo baxay kooxda Liverpool ayaa lagu sheegay in qof kasta oo ka tirsan kooxda uu u mahad celinayo ciyaaryahan Suso,una rajeynayo mustabal wanaagsan.
Ciyaaryahan Suso ayaa bartiisa Twitter-ka ku muujiyay sida uu ugu faraxsanyahay in uu ku biiro kooxda AC Milan.
