Wasiir ku Xigeenka Wasaarada Caafimaadka Soomaaliya iyo Gudoomiyaha Gobolka Shabeelaha Dhexe ayaa si wada jir ah Xarigga uga jaray Xarun loogu Tala-galay in Adeegyada caafimaadka loogu qabto Hooyada iyo Dhalaanka ku nool Degmada Balcad ย taas oo laga hirgaliyey degaanka Garas-Bintow.
Xafladii lagu furayey xarunta waxaa soo Qaban-qaabiyey Ururka Dhalinyarada Asal, ย iyadoo ay ka qayb ย galeen Xildhibaano katirsan baarlamaanka iyo Bulshada ku nool degaanka Garas-Bintow ayaa ugu horeyn waxaa la hadlay gudoomiyaha gobolka shabeelaha dhexe Mudane Cali Cabdulaahi Xuseen ย Guud-laawe isaga oo u mahad celiyey ย intii gacan ka gaysatay dhismaha Xaruntaan.
Related posts
Xildhibaanย Cabdi Shire Ciyaar-Jecel iyo Xildhibaan Qaasim Cali Nuur ayaa sheegay in xarun Caafimaad ay aad ugu baahnaayeen shacabkaย degan degmada balcad.
Malaaq Cali Malaaq Maxamed Wehliyeย oo ku hadlayey Magaca Nabadoonada ayaa sheegay in bulshada ku nool gobolka shabeelaha dhexe ay ka liitaan Xarumaha Caafimaad iyo waxbarashada loogu talagalay.
Intii ay Munaasabada socotay ayaa xarunta xariga laga jarayey waxa ku dhashay wiil iyadoo loo bixiyey Caseer sida uu ku dhawaqay Wasiir ku Xigeenka Wasaarada Caafimaada Cismaan Maxamed Cabdi ย โDaalloโ
Munasabada inta ay socotay waxaa Shahaadooyin lagu Gudoonsiiyey Arday ka qalin jabisay iskuul markii ugu horaysay laga furay dhawaan degaanka Garas-Bintow.
Xaruntaan Caafimaad ayaa noqonaysa mid wax weyn u tarta shacabka degmada Balcad degan iyaga oo markii hore xaaladaha la xariira dhanka Caafimaadka u soo aadi jiray Magaalada Muqdisho.
