Tartankaan kubadda Cagtaa oo socday mudo afar asbuuc ah una dhaxeeyay Dugsiyada Sare eek u yaala Koonfurta Magaalada Gaalkacyo Caasimadda Gobolka Mudug ayaa galabta lagu soo ganaanuday Garoobka loogu magic daray Halgame Cabdulaahi Ciise oo yaala Gaalkacyo.
Bilaabashadii Tartan cyaareedkaan xiisaha badnaa una dhaxeeyay Dugsiyada Koonfurta Caasimadda Mudug ee Gaalkacyo ayaa waxaa ka qeyb galay Madaxweynaha Maamulka Goboleedka Soomaaliyeed ee Galmudug mudane Axmed Ducaale Geele Xaaf isagoo ku amaanay bulshada Reer gaalkacyood sida ay ugu istaageen sare u qaadida Ciyaaraha iyo nabadda Mudug.
Ciyaarta oo Finalka ay joogeen Dugsiyada sare SYL iyo C/llaahi Ciise ayaa Galabta waxaa ka qeyb galay xiritaankoodii Masuuliyiin ka tirsan Maamulka Galmudug oo iskugu jira Gobolka Mudug iyo kan Degmada Gaalkacyo iyadoona Guushu ku raacday Xulka matalaysay Dugsiga C/llaahi ciise.
Maamulka ku howlan Dhismaha iyo Horumarinta Garoonka C/llaahi Ciise ee Koonfurta Gaalkacyo ee HAB ayaa qeyb weynna ka qaatay qabsoomidda iyo hirgalinta Ciyaarahaan ay isku arkeen ilaa 6 Dugsi sare kuna yaala Gaalkacyo ayaa sheegay inay mihiimad gaara ugu fadhisay Ciyaarahaan Bulshada Reer Gaalkacyood waxayna ugu baaqeen Bulshada in laga qeyb qaato Dhismaha Garoonka Kubadda Cagta ee C/llaahi Ciise si kor loogu qaato Ciyaaraha Gobolka Mudug iyo Guud ahaanba Galmudug.
Ugu dambayntii Maayarka Degmada Gaalkacyo Xirsi Yuusuf Bare oo dhinacyadiisa ay taaganaayeen ku xigeenkiisa iyo Agaasimaha Wasaaradda Ciyaaraha Galmudug Cumar Cabdi ayaa Biladaha gudoonsiiyay Xulkii koobka qaaday ee matalaayay Dugsiga sare ee C/llaahi Ciise.
