Boqortooyada Sacuudiga ayaa dalkeeda kusoo dhaweesay dad badan oo ka qaxay colaada ka taagan dalka Sudan, kuwaa oo markab ka raacay biyaha Sudan kana degay dekadda magaalada Jiddah.
Wasaaradda Arrimaha Dibedda ee dalka Sacuudiga ayaa shaacisayย in dalkeeda soo gaareen dad gaaraya 1,687 qof oo rayid ah oo ka soo kala jeeda in ka badan 50 dal, waxaana dadkaasi Sacuudiga gaaray ku jira 13 muwaadin oo Sacuudiga u dhashay.
Related posts
Markabka kusoo xirtay dekadda magaalada Jiddah ayaa waxaa u gurmaday dowladda Sacuudiga oo soo daad-gureysay dadkii kala duwanaa ee saarnaa markabka, waxa ayna dowladda geesay goobo gaar ah oo dadkaasi lagu heynayo laguna caawinayo.
Wasaaradda Arrimaha Dibedda Sacuudiga ayaa sheegtay in dadka Marakabka la socdayย ay ka soo kala jeedaan dalal ku yaalla Bariga Dhexe, Africa, Europe, Asia iyo Waqooyiga iyo Bartamaha Amerika.
Dagaalka ka socda dalka Sudan ayaa sababay in dadka ajaaniibta ah ee dalkaasi kunoolaa isaga cararaan waddankaasi, waxaana qof kasta u jiheestay dhinaca uu u badbaadi karay, dowladaha qaar ayaana dadkooda diyaarado uga qaatay Khartuum.
