Wararka ka imaanaya Suudaan ayaa sheegaya in halkaasi ay dib uga qarxeen dagaallo xooggan oo u dhaxeeya ciidamada milatariga iyo kuwa gurmadka deg dega ah.
Goob joogayaal ayaa Warbaahinta u sheegay in ugu yaraan 20-qof oo rayid ah ay ku dhinteen tobonaan kalena ay ku dhaawacmeen dagaallo ilaa shalay ka socday degaano badan oo ka tirsan magaalada Umdurmaan.
Related posts
Sidokale, Wasaaradda Caafimaadka Suudaan, ayaa xaqiijisay in isbitaallada Umdurmaan la gaarsiiyay in ka badan 20-qof oo shacab ah, kuwaasoo ku waxyeelloobay duqeymahii iyo dagaaladii ugu danbeeyay ee halkaasi ka dhacay, iyadoo intaas ku dartay inay sii kordhayaan tirada dadka ku dhintay dagaaladan iyo kuwa ku dhaawacmayba.
Milatariga Suudaan iyo ciidamada kasoo horjeeda ee gurmadka deg dega ayaan ka hadlin dagaalkan soo cusboonaaday, waxa uuna dagaalka yimid xilli muddooyinkii dambe xoogaa xasillooni ah laga dareemayay dalka Suudaan.
