Shirweyn oo looga hadlaya aarimaha Caafimaadka adduunka ayaa ka dhacay dalka Faransiiiska kaasi oolooga arrinsanayo khataraha uu bulshada caalamka uu ku hayo cudurka Daa’ccunka.
Mas’uuliyiin caafimaad oo ka kala yimid daafaha dunida ayaa maanta ku shiraya dalka Faransiiska si ay isula qaataan in boqolkiiba 90 laga hortago dhimashada uu keeno cudurka daacuunka wixii loo gaaro 2030.
Waa markii ugu horraysay oo dowladaha, Hay’adda Caafimaadka Adduunka WHO, hay’adaha gargaarka iyo deeqbixiyayaasha ay go’aan noocaas ah wada qaataan.
Arrintan ayaa imanaysa xilli Yemen ay la daalaa dhacayso daacuunkii ugu xumaa ee dalkaas ka dilaaco, halka hay’adaha samafalka ay ka digayaan in musiibo uu isu badelo daacuun ka dilaacay dalka Bangladesh.
Daacuunka jira qarnigan 21-aad ayaa mid ka mid ah hay’addaha samafalka ee la tacaalaya waxa ay ku tilmaantay “wax ceeb ku ah caalamka”.
Cudurkan ayaa waxaa laga ciribtiray dalalka UK iyo Mareykanka in ka badan 100 sano ka hor, hasayeeshee waxa uu fara ba’an ku hayaa dalal badan oo ka mid ah kuwa soo koraya.
Daacuunka ayaa ku faafaa biyaha wasakheysan waxa uuna sanadkiiba galaaftaa nolosha ku dhawaad 100 kun oo qof.
