Danjiraha Jamhuuriyadda Austria u qaabilsan Kenya una magacaaban dalka Soomaaliya, Marwa Dr. Simone Knapp, ayaa booqasho ku timid Xarunta Safaaradda Jamhuuriyadda Federaalka Soomaaliya ee magaalada Nairobi. Danjiradda waxaana si diirran u soo dhaweeyay Danjire Jabril Ibrahim Cabdulle.
Labada Danjire ayaa yeeshay kulan is-xogwaraysi iyo kala warqaadasho ah, iyagoo kaga wada hadlay xiriirka iyo danaha labada dal, iyo sidii loo sii xoojin lahaa iskaashiga iyo wada-shaqeynta Soomaaliya iyo Austria.
Dalka Austria ayaa waxa ay martigalisaa Soomaali badan oo nolol wanaagsan ku haysta halkaas. Danjire Jabril ayaa uga mahadiyay Danjire Dr. Simone Knapp taageeradda iyo isgarab -istaaga ay dowlada Austria u fidiso dadka iyo dalka Soomaaliya iyo ilaalinta midnimda dalka Soomaaliya.
Danjire Jabriil Ibr ayaa xusay muhiimadda ay leedahay joogteynta xiriirka iyo wada-hadallada diblomaasiyadeed ee labada dal. Midowga Yurub ayaa horay u taageeray midnimda iyo dowlada Soomaaliya iyaga oo ka soo horjeestay awoonsiga dalka Israa’iil ee Gobolada Waqooyi ee Soomaaliya.
