Danjiraha Soomaaliya ee Uganda Amb Fardowsa Maxamed Qanyare ayaa mar kale casho sharaf ku maamuustay ciyaartoyda da’doodu ka yar tahay 17 sano, kaddib markii ay ku guuleysteen kaalinta saddexaad tartanka koobka CECAFA ee Bariga iyo Bartamaha Afrika ee ciyaartoyda 17 sano da’dooda ka yar tahay.
Ciyaar dhex martay xulka Qaranka Soomaaliya ee da’doodu ka yar tahay 17 sano iyo dhiggooda Koonfurta Suudaan ayaa waqtiga caadiga ah ku dhammaatay 2-2, kaddibna la isla aaday rigoorayaal oo ay Soomaaliya ku badisay 4-2. Guushaas oo ay Soomaaliya ku hanagay kaalinta saddaxaad ee U17 CECAFA.
Sidoo kale, safiirka ayaa guddoonsiiyay ciyaartoyda abaalmarin lacageed si ay dhiirrigelin ugu noqoto xulka qarankeena ee da’doodu ka yar tahay 17 sano.
