Hay’adda İHH İnsani Yardım Vakfı oo ah Hay’ad Turki ah kana shaqeysa Caawinta, ayaa soo gaartay Xarunta Dhexe ee Hay’adda Maareynta Musiibooyika Qaranka Soomaaliyeed.
Hay’adda #ihhinsaniyardımvakfı oo uu hoggaaminayo Xasan Cumar, ayaa ku wareejiyey Hay’adda Maareynta Musiibooyinka #SoDMA lacag ah labatan iyo shan-kun oo Dollar ($25,000), iyo Dawo lagu daweynaayo dadkii ku waxyeeloobay oo dhiganta Sodon-kun oo Dollar ($30,000) iyo raashiin ay siinayaan 170 qof oo ah dadkii dhaawacmay iyo dadka la jooga mudo saddex maalin ah.
Guddoomiyaha Hay’adda Maareynta Musiibooyinka Qaran Mudane Maxamuud Macalin Cabdulle, ayaa ka guddoomay lacag, dawa iyo raashiinka ay Hay’addu ugu talagashay dadkii ku waxyeeloobay Qaraxyadii Soobe laba.
Ugu dambeyn, Guddoomiyaha Hay’adda Sodma ayaa u mahadceliyey Hay’adda İHH İnsani Yardım Vakfı ee Turkiga oo kaalin weyn ka qaadatay u gurmashadda dadkii ku waxyeeloobay Qaraxyadii is xigxigay ee ka dhacay Isgoyska Soobe 29-kii October, 2022.
