50 qofood oo ka mid ah dadkii eheladooda ku waayey Qaraxii 14 Bishan ka dhacay Magaalada Muqdisho ayaa loo qeybiyey deeq lacageed oo ka timid Jaaliyada Soomaaliyeed ee Dalka Swedan.
lacagtan ayaa waxaa loo soo wakiishay Gudi Culimo ah oo lagu magacaabo Safa , waana 15,000 oo Dollar iyadoo qof kastana la siiyey 300 oo Dollar, goobta lacagta lugu bixinayey waxaa joogay xubno ka socday Gudiga Gurmadka Deg Deg ah.
Sh. Maxamuud Abuusheyba Gudoomiyaha Culimada Lacagta soo wakiishay oo Jaaliyadda Soomaaliyeed Sweden ka timid ayaa sheegay in dadkani yihiin kuwii ku haboonaa in la garab istaago.
C/laahi Maxamed Shirwac Gudoomiyaha Gudiga Gurmadka Deg Deg ah ayaa isna sheegay in Caruur badan waalidiintood ku wayeen Musiibadii Dhacday loona baahdan yahay in la helo qorshe wax lagu baro.
Dadka loo qeybiyay kaalmadan lacageed ayaa ka mahadceliyay taageerada ay u fidiyeen jaaliyadda Soomaaliyeed ee ku nool dalka Sweden.
