Deeqda oo aheyd mid zakaatul fidriya isla markaana ay kusoo tabaruceen muslimiin Soomaaliyeed oo ku sugan dalka dibadiisa ayaa waxaa ururka Xanaano oo ah urur ka shaqeeya waxbarida iyo daryeelka agoonta waxaa maanta ay gaarsiiyeen boqolaal ruux kuwaas oo isugu jiray agoon, dadka qaba baahiyaha gaarka ah iyo danyar ku nool magaalada Gaalkacyo.
Xabiibo Maxamuud Cabdi Koofuroow oo ah wakiilka ururka Xanaano ee gobalka Mudug ayaa sheegtay in deeqdaan loogu talagalay sidii dadkaasi loogu gurman lahaa.
qaar ka mida agoontii iyo danyartii ka faa’ideeystay deeqdaan zakaatul fidrigaa ayaa ka mahad celiyay deeqda iyo sidoo kale garab istaaga dhanka waxbarida agoonta oo ay markasta ka helaan Xaanaano.
Gudoomiye ku xigeenka dagmada Galkacyo injineer Maxamed Cabdi Cilmi ayaa isna dhankiisa bogaadiyay kaalinta ururka Xanaano ee ku aadan wax barida iyo garab istaaga agoonta.
