Barnaanijka Sahanka oo ka mid ah barnaamijyada maalin laha ah ee ka baxa Radio Muqdisho iyo Telefishinka Qaranka ayaa waxaa maanta looga hadlay qorshaha maamulka Gobolka uga degsan Naleynta iyo gurmadka deg dega, gaar ahaan gaadiidka dabdamiska ah iyo waxyaabihii u qabsoomay.
Barnaamijka waxaa maanta marti ku ahaa agaasimaha Waaxda Gurmadka Deg deg ah iyo Naleynta Muqdisho Cabdullaahi Maxamed Cabdulle Saneey oo faah faahin ka bixiyay waxyaabihii u qabsoomay ayaa sheegay in howsha dabdamiska dib loo aas aasay sanadkii 2012-ka.
“Xiliigi dowladii dhexe ayaa magaalada ugu dambeysay gurmadka deg dega, marka waxaan dib u howlgelinay sanadkii 2012-ka, waxaan dab ka daminay 87, meel sanadkii 2013, sidoo kale sanadkii 2014 53 meel aan ka daminay dabka, marwaliba waxaan u taaganahay in aan bulshada u gurmano” ayuu yiri Agaasimaha.
Agaasimaha ayaa xusay in ay jiraan shaqaale u tababaran oo gaaraysa ilaa iyo 61 qof, kuwaasi oo tababaro heer caalami ah lagu soo siiyay qaarkood dalka dibadiisa, waxaana dadkaani ay isugu jiraan shaqaale dabdamis iyo howlwadeenno caafimaad.
Dhageyso
Sawir Qaade:- Maxamed Cabdullaahi Maxamed (Feereysane)
