Xafladaan lagaga dhawaaqay urur cusub oo ay ku mideysanyihiin dhallinyaro Soomaaliyeed oo ย aqoon yahanno wax ku soo bartay Dalka Malaysia, looguna magac daray SOMAL kaas oo laga soo gaabsay Somali Malaysia Alumni ayaa maanta lagu qabtay Muqdisho, iyadoo Heeso Cayaaraha hidaha iyo Dhaqanka ay goobta ka qaadeen Kooxda Ifiye Band.
Guddoomiyaha ururkan cusub Siciid Cabdi ayaa ugu horeyn goobta hadal ka jeediyay ayaa sheegay in sababta loo sameeyey ururkan iyo ujeedooyinkiisa ay tahay sidii ay u mideyn lahaayeen dhallinarada wax ku soo bartay dalka Malaysia iyo dadka kale ee halkaasi ku nool, si ay isaga war qabaan oo ay uga qeyb qaataan horumarka dalka.
Dr Cabdullai Faarax Bedel oo ka mid ah Aqoonyahanada lagu martiqaaday xafladda isla markaasna wax ku soo bartay Dalka Malaysia ayaa ku boriyey Aqoonyahanada Ururka SOMAL in ay ka qeyb qaataan kaalinta uga aadan horumarka iyo dib u dhiska dalka.
Ugu danbeytii Gudoomiye ku-xigeen Maamulka iyo Maaliyadda ee Jaamadda SIMAD oo ka yimid Dalka Malaysia, kana mid ah dadka wadankaasi wax ku soo bartay Eng Maxamud Maxamed Calasow ย ayaa ugu hambalyeeyay dhalinyarada ku midowday Ururkan, waxaana uu u sheegay in dalka iyo Dadka ay ka sugayaan inay la yimaadaan isbadal muuqdo oo wax u tari karta bulshada Soomaaliyeed.
Sanadiihii ugu danbeeyey waxaa dalka ku soo badanaayey dhallinyarada aqoonyahanada ee dalalka dibadiisa waxa ku soo baratay, taasoo wax ka tari doonta dib u soo kabashadda Dalka Soomaaliya.
