Dhibane Saciid Jeylani Isaaq waa muwaadin Soomaaliyeed oo ku xanuunsanayay muddo sagaal bilood ah duleedka magaalada Muqdisho, kaasi oo qaba xanuun kaga yimid rasaas kaga dhacday laf dhabarta dambe, waana bareelis oo aan laheyn wax dhaq dhaqaaq ah da’diisu wiilkan waa labaatan iyo todobo sano jir, wuxuuna ka soo jeedaa qoys sabool ah.
Saciid Jeylani Isaaq waxa uu hadda ku xanuunsanaya deegaanka Garasbaaleey ee duleedka magaalada Muqdisho, waana ruux sariir fuul ah oo aan wax dhaq dhaqaaq ah laheyn, kaasi oo sida ay sheegeen eheladiisa dalka gudahiisa aan waxba looga qaban karin xaaladiisa caafimaad.
Jamiilo Shariif Cabdiqaadir oo ah Hooyada dhashay wiilkan ayaa ka codsatay dowladda Soomaaliya iyo bulshada Soomaaliyeed in ay ka caawiyaan sidii ay ugu heli lahaayeen wiilkan adeeg caafimaad oo dibadda ah, maadaama dalka gudahiisa waxba looga qaban karin sida ay sheeegeen qaar ka mid ah dhaqaatiirta, iyagana aysan awoodin in ay u qaadaan wiilkooda caafimaad dibadda ah
“Waxaan ka codsaneynaa dhamaan Umadda Soomaaliyeed in ay naga caawiyaan sidii wiilkan aan ugu heli laheyn adeeg caafimaad oo dibadda ah, runtii waxaan nahay qoys sabool ah ee xaaladeena ilaah unbaa loo sheegaa, marka qof kasta oo nacaawin karo waxaan ka codsanayaa in uu na caawiyo” ayay tiri Hooyo Jamiilo
Saciid Jeylani Isaaq ayaa ka codsaday bulshada Soomaaliyeed iyo ganacsatada Soomaaliyeed in ay ka caawiyaan sidii uu u heli lahaa adeeg caafimaad oo dibadda ah
“Waxaan ugu dambeyntii ka codsanayaa Ummadda Soomaaliyeed in ay arrinteyda wax igaga caawiyaan sidii aan u heli lahaa caafimaad dibadda ah”. ayuu yiri
