Wasaaradda caafimaadka Xukuumadda Federaalka Soomaaliya ayaa xaqiijisay in ay soo kordheen 49 kiis oo cusub oo Covid19 ah, kuwaas oo dalka laga helay saacadihi ugu dambeeyay.
Wasaaradda ayaa sheegtay in sidoo kale 6 ruux maanta ay cudurka karoona fayris ugu geeriyootay dalka, taas oo noqoneysa tiradii ugu badneed ee hal maalin dalka ugu geeriyoota Covid19.
Tirada guud ee kiisaska cudurka karoona fayris ayaa noqonaysa 286 halka dhimashaduna ay gaareyso 13 ruux sida ay wasaaradu sheegtay waxaana maanta ka bogsaday cudurka 2 qof.
Maalmihii ugu dambeeyay ayaa waxaa si xowli ah usii kordhayay kiisaska karoona fayriska ah ee laga helayo dalka, iyadoo dowladda Soomaaliyana ay wado dadaallo looga hortegayo faafida cudurkaan.
