Dibadbaxan oo uu soo qaban qaabiyay guddiga iskaashatooyinka gaadiidka xamuulka ee Dekedda Muqdisho ayaa lagu taageerayay madaxweynaha la doortay mudane Maxamed C/laahi “Farmaajo” , waxeyna xoogsatadu ka codsadeen madaxweyne Farmaajo in uu dib ugu celiyo shaqadii ay ka hayeen dekedda Muqdisho.
Gudoomiyaha guddiga iskaashatooyinka gaadiidka xamuulka ย Xaaji Cismaan Geeddi ayaa sheegay in iskaashatadu ay diyaar u tahay in dib loogu celiyo howlihii dekedda iyo in ay ka qeybqaataan dib u dhiska dalka.
Xoogsatada Dekedda Muqdisho ayaa ka dalbaday madaxweyne Farmaajo in uu dib ugu celiyo howlohoodi ay ka hayeen dekedda.
Guddiga iskaashatada gaadiidka xamuulka ah oo ka kooban 29 xubnood ayaa guddoomiye u doortay ย Xaaji Cismaan Geeddi oo shaqada iskaashatada ku soo jiray ilaa sanadkii 1973-dii halka ย Xasan Jimcaale Carab loo doortay gudoomiye ku xigeen.
