Dood wadaaga lagu falanqeynayay doorka Haweenka ay ku leeyihiin nabad-dhiska Gobolka Mudug ayaa ka qabsoomay Magaalada Galkacyo ee Xarunta Gobalka Mudug
Kulanka ayaa waxaa ka qeybgalay Shukri Cabdi Cali Guddoomiyaha Ururka Haweenka Gobalka Mudug ee Puntland, Maymuun Cali Nuur Geyfane Guddoomiyaha Ururka Haweenka Gobalka Mudug ee Galmudug, Xabiibo Maxamuud Cabdi (Xabiibo Koofuroow Guddoomiyaha Ururka Haweenka Nabadda ee Puntland iyo Galmudug iyo Aamina Sheekh Cabdi Xoghayaha Guud ee Dallada Haweenka Nabadda Gobalka Mudug.
Dood Wadaagga ayaa intiisa badan diiradda lagu saaray sidii loo xoojin lahaa Doorka haweenka ee Nabad raadinta Gobalka Mudug, iyadoo xubnihii martida ku ahaa dood wadaaga ay aragtidooda ka dhiibteen su aalihii lasoo hordhigay kuwaas oo ay ka mid ahaayeen horta
Taabinta galinta dood wadaaga ayaa waxaa ka geystay Hay’adda Qaramada Midoobay ee UNDP, iyo ururka DRDA uu ahaa kan soo qabanqaabiyay. Intii ay doodu socotay, waxa xoogga la saaray sidii loo dhiirigelin lahaa wadajirka haweenka, xalinta khilaafaadka iyo ka qayb qaadashada barnaamijyada nabad-dhisidda mustaqbalka gobolka Mudug.
