Saraakaall u hadlay Ciidamada Kenya ayaa sheegay in ay gacanta ku dhigeen gaari xamuul oo siday waxyaabaha qarxa iyo hub noocyo kala duwan isugu jira, Shixnaddaan hubka ah ayaa laga soo gudbiyay dhanka xadka Soomaaliya waxayna ku socotay deegaanno ka tirsan Kenya.
Maamulka gobolka Isiolo ee dalka Kenya ayaa yiri ” waanu la soconnay xaaladda dhaqdhaqaaqa ee gaarigaasi tan iyo markii uu kasoo baxay Gudaha Soomaaliya.
Gaariga ayaa waxaa saarnaa Miinooyinka dhulka lagu Aaso, Qoryo, Bambooyin iyo Mindiyo Afeysan sidda ay xaqiijiyeen Saraakiisha ciidamada Ammaanka.
Qalabka iyo macluumadka la soo uruuriyay xiligii hawlgalka ayaa laga helay gaarigaan a kaas oo lagu qariyay meel qarsoodi ah markii Booliisku ay weerar ku qaadeen.
Booliska gobolka Isiolo ee Kenya ayaa sidoo kale xaqiijiyay in gaariga ay saarnaayeen Kiimikooyin ay argagixisadu doonayeen in ay ka diyaariyaan waxyaabaha qarxa.
Booliska Kenya ayaa hadda wadda howlgallo ay ku baadi goobayaan ragaasi baxsaday.
