Saxiixa hashiiskan Dowladda Mareekanka ay Soomaaliya uga taageeyrayso tayaynta waxbarashada iyadoo u soo marayso Hay’adda horumarinta caalamiga ah ee USAID waxa goob joog ka ahaa Wasiirada Waxbarashada, Qorsheynta iyo Maaliyadda Soomaaliya, halka dowladda Mareykankuna ay joogeen Safiirka cusub ee Mareykanka u fadhiya Soomaaliya iyo madax ka socotay Hay’ada USAID.
Safirka Mareykanka ee Soomaaliya Stephen Schwartz iyo kaaliyaha dhinaca maamulka Afrika ee hay’adda USAID Linda Etim ayaa si wadajir ah u sheegay in mashruucan muhiimadiisu ay tahay kobcinta waxbarshada jiilka Soomaaliyeed ayna ku baxayso 64 milyan oo dolar, iyadoo wajiga koowaad kan ugu horeeya oo ay ku baxayso 17 milyan oo doolar maanta la saxiixay
Wasiirka waxbararashada iyo tacliinta sare ee Soomaaliya Mudane C/qaadir Cabdi Xaashi ayaa ka hadlay ahmiyada mashruucan Dowladda Mareykanka ay ku taageerayso waxbarashada Soomaaliya.
“Hashiiskan waa uu muhiim waxbarashada Soomaaliya, dadaalo badan ayaana ku bixinay waan u mahad celinayna Hay’ada USAID oo taageerayso, waxaana rajaynayaa inuu wax badan ka badalo ololihiihi aan ugu jirnay Soo celinta tayada waxbarashada Soomaaliya .
Wasiirka Maaliyada Soomaaliya Maxamed Aadan Ibraahim Fargeeti iyo Wasiirka Qorsheynta iyo xiriirka Caalamiga ah C/raxmaan Sheekh Yuusuf Cali Ceynte ayaa sheegay in hashiiskan uu muhiim yahay in dhalinyarada Soomaaliyeed ay heleyn waxbarasho lacag la’aan.
”Waan ku faraxsanahay mashruucaan muhiim u ah waxbarashada jiilka Soomaaliyeed waxaan u mahad celinaynaa hay’adda USAId iyo dowladda Mareykanka, waxaan kaga faaidaysan doonaa sidii waxbarasho lacag la’aan ah ay u heli lahaayeen caruurta Soomaaliyeed”
