War qoraal ah oo kasoo baxay Wasaaradda Arimaha Dibadda ee Dowladda K/Afrika,ayaa ugu horeyntii tacsi loogu diray Madaxda iyo Shacabka Soomaaliya dadkii ku geeriyooday weerarkaasi iyo sidoo kale kuwii ku dhaawacmay.
‘Anigoo ku hadlaaya magaca Dowladda iyo Shacabka South Africa waxaan halkaan tacsi tiiraanyo leh ugu gudbinayaa Madaxweyne Xasan Sheikh Maxamuud,Dowladda Federalka iyo Shacabka Soomaaliyeed gaar ahaan eheladii kuwii ku geeriyooday,waxaana rajeynayaa in kuwii ku dhaawacmay ay dhaawacaasi kasoo kabtaan”ayaa lagu yiri qoraalkaasi.
Sidoo kale,qoraalkaasi ayaa lagu sheegay in Dowladda K/Afrika ay si adag u garab taagantahay Midowga Afrika iyo beesha Caalamka waxaana lagu yiri qoraalka kasoo baxay Wasaaradda Arimaha Dibadda ee K/Afrika in aan la aqbali karin weerarada micno daradda ah ee ay kooxda arxan laawayaasha Ugus ay ku qaadayaan Shacabka aan waxba galabsan.
War Saxafaadeedka ayaa lagu soo gabagabeeyay in Dowladda K/Afrika ka go’antahay taageeridda Dowladda Soomaaliya gaar ahaan kaabayasha dhaqaaalaha, taasoo loo maraya mashaariicda awoodda,dhisidda Hay”addaha ,waxaana ugu dambeyntii loogu baaqaya kooxaha iyo shakhsiyaadka qaska ka wada Soomaaliya inay ka waantoobaan kuna soo biiraan geeddi socodka nabadda iyo horumarka Dalka.
Q.M ayaa sidoo kale waxey cambaareysay weerarkaas ay Shabaab ku qaadeen Shacabka aan wax galabsan ee ku sugnaa xeebta liido.
