Wasiiru-dowlaha Wasaaradda Waxbarashada Hirsabeelle Abuukar Xasan Abuukar iyo Guddoomiyaha Waxbarshada Gobalka Shabeelaha Dhexe Abuukar Macalin Xasan ayaa kormeer hawleed ku tagay dugsiga Hoose dhexe iyo sare Horseed ee magaalada Jowhar.
Mas’uuliyintaan ayaa mid mid u booqday fasllada dugsiga xilli ardayda ay qaadanayeen daruustooda, waxayna la kulmeen macalimiinta iyo maamulka Dugsiga, iyagoo kula dar daarmay in Ardayda ku koontaroolaan casharada, isla markaan imtixaanaadka billaha ay la soo wadaagaan Wasaaradda, maadaama dugsiga Horseed gacanta ay ku heyso Wasaaradda Waxbarshada Hirshabeelle.
Cabdullahi Maxamed Nuur oo ah Maamulaha dugsiga Hoose Dhexe iyo Sare ee Horseed ayaa ka mahadceliyay booqashada ay ugu tageen mas’uuliyiinta Wasaaradda Waxbarshada Maamulka Hirshabeelle.
Wasiiru dowlaha Wasaaradda Waxbarshada Dowlad Goboleedka Hirshabeelle Abuukar Xasan Abuukar ayaa ardayda ka qalanjibisay dugsiga Horseed, kaalmaha horana ku soo baxay ka saacidi doona Jaamacado ay si lacag la’aan ah wax uga bartaan.
Dugsiga Hoose Dhexe iyo Sare ee Horseed ayaa dhawaan waxaa la wareegay Wasaaradda Waxbarshada Hirshabeelle, kaasi oo hadda in ka badan 500 arday si lacag la’aan ah ay wax kaga bartaan.
