Guddoomiyaha Gobolka Banaadir Ahna Duqa Muqdisho Mudane Yuusuf Xuseen Jimcaale (Madaale), ayaa dhagax dhigay dhismaha wadda Laami ah oo laga hirgalin doono Waddada Ciise Cabdi ee degmada Deyniile oo ka bilaabato Isgooska Ifka Xalane islamarkaana sii marta xaruntii hore ee idaacadii Hornafric.
Dhagax dhigan waxaa goob Joog ka ahaa Guddoomiye ku-xigeenka maamulka iyo Maaliyadda Gobolka Banaadir Mudane Ciise Maxamud Guure iyo xildhibaano katirsan Dowladda Federaalka Soomaaliya, waxaana mashruuca dhismahaan qeyb ka ah Barnaamijka dalkaaga ku dhiso hal dollar, iyada oo la kaa shanaayo bulshada reer Deyniile.
Related posts
Duqa Muqdisho ” Waan ku faraxsanahay inaan muddo kooban dhaxdeeda aan dhagax dhigo waddadii labaad ee halbowle u ah degmada deyniile,Taas oo ay abaabulkeeda lahaayeen dadka deegaanka”. Ayuu yiri Mudane Yuusuf Xuseen Jimcaale (Madaale)
Guddoomiyaha Gobolka Banaadir Ahna Duqa Muqdisho Mudane Yuusuf Xuseen Jimcaale (Madaale), ayaa kula dardaarmay shacabka Soomaaliyeed in ay u midoobaan horumarka Caasimadda iyo taageerada howlgalada dalka looga sifeynayo kooxda diin laawayaasha ah ee Khawaarijta ah.
