Guddoomiyaha Gobolka Banaadir ahna Duqa Magaalada Muqdisho Mudane Cumar Maxamud Maxamed (Cumar Filish) ayaa booqday qaar kamid Wadooyinka Caasimadda oo uu biyaha dhigay Roobkii muddooyinkii ugu danbeeyay ka da’ayay magaalada Muqdisho.
Duqa magaalada Muqdisho ayaa goobihii uu booqday waxaa ka socotay shaqa howl wadeenada Dowlada Hoose ee Xamar biyaha uga saarayeen Wadooyinka Muqdisho si Shacabka loogu fududeeyo isku socodka gaadiidka iyo bulshada.
Roobabkii xagaaga ee ka da’ayay Caasimada ayaa sababay in ay xirmaan waddooyin badan oo halboole u aha isku socoska dadka iyo gaadiidka.
Goobaha uu kormeeray Guddoomiyaha waxaa kamid ahaa.
1- Wadada hormarta dugsiga tababarka Ciidanka boliiska Soomaaliyeed ee School Police.
2-wadada 21-October
3-Warta KM-4 ee degmada Waabari
4- Wadada Buula Xubeey ee degmada Wadajir.
Guddoomiye Cumar Filish ayaa maamulada degmooyinka gobolka Banaadir faray in olola xoogan oo Nadaafada iyo bilicda lagu soo celinayo laga qabto Wadooyinka Caasimadda, waxa uu sidookale ugu baaqay bulshada in ay garab istaagaan howl wadeenada Dowladda Hoose ee Xamar.
