Tababar ku saabsanaa hubinta dukumiintiyada safarka, Maaraynta Xaduudaha, iyo dambiyada abaabulan ayaa Saraakiisha laanta 6aad ee Hay’adda Socdaalka iyo Jinsiyadda loogu soo gabagabeeyay Magaalada Boosaaso ee Gobolka Bari.
Tababarkaan oo socday mudo sedex maalin ah ayaa waxaa ka qeybqaatay guud ahaan Saraakiisha ka howlgala Laanta 6aad, kuwaas oo si gaar ah uga howlgala garoomada diyaaradaha, dekedda Boosaaso iyo Xuduudaha dhulka.
Tababarka ayaa waxaa bixiyay Macalimiinta Hay’adda iyadoo sidoo kalana ay goobjoog ahaayeen Madaxda Laanta 6aad ee Hay’adda Socdaalka iyo Jinsiyadda.
Ujeedada tababarkaan ayaa aheyd kor u qaadista xirfadda Saraakiisha ka howgala Laanta 6aad ay u leeyihiin ka hortagga Socdaalka sharci darada iyo maareynta Xuduudaha iyo hubinta dukumeentiyada looga gudbo xuduudaha.
