Guddoomiyaha Gobolka Banaadir ahna Duqa Muqdisho Mudane Yuusuf Xuseen Jimcaale (Madaale) ayaa shir guddoomiyay kulan gaar ah oo ku saabsan dardargelinta Amniga Caasimadda, kaas oo ka dhacay xarunta Aqalka Dowladda Hoose ee Xamar.
Kulankan ayaa waxaa goobjoog ka ahaa Guddoomiye Ku-xigeenka Amniga iyo Siyaasadda Gobolka Banaadir, Taliyaha Qeybta Guud ee Booliska Gobolka Banaadir, Taliyaha Nabadsugida iyo Sirdoonka Gobolka Banaadir iyo saraakiisha ciidanka Military Police.
Duqa Muqdisho ayaa warbixin la xariirta Amniga Caasimadda ka dhageystay saraakiisha, asigoo kula dardaarmay in la xoojiyo sugidda amniga iyo la dagaallanka Maandooriyaha.
