Ergeyga gaarka ah ee Maraykanka Steve Witkoff ayaa maanta booqanaya Gaza si uu u kormeero goobaha cuntada lagu qaybiyo, sida ay xaqiijisay xoghayaha warfaafinta Aqalka Cad Karoline Leavitt.
Ergayga gaarka ah ayaa la sheegay in safarkiisa uu ku wehelin doono safiirka Maraykanka u fadhiya Israa’iil Mike Huckabee oo,kuwaas oo xaqiijin doono qorshaha dadka barakacay ee Falastiin lagu gaarsiinayo cunto gargaar ah.
Ergeyga gaarka ah ee Maraykanka Steve Witkoff oo gaaray Isra’iil ayaa la kulmay ra’iisul wasaare Benjamin Netanyahu, waxaana maanta oo Jimco ah la filayaa in safar dhanka dhulka ah uu ku tago Gaza,si uu ula socdo xaaladda dadka baahan.
Dhinaca kale,Wasaaradda caafimaadka Gaza ee ay maamusho Xamaas ayaa sheegtay in wixii ka dambeeyay duhurnimadii khamiista e shalay la dilay 111 qof oo 91 ka mid ah ay ahaayeen dad gargaar sugayaal ah.
