Ergayga Gaarka ah ee Madaxweynaha JFS u qaabilsan Arrimaha Somaliland Mudane Cabdikarim Xuseen Guuleed ayaa maanta kullan miro-dhal ah la qaatay Ergeyga Arrimaha wadahadallada iyo dib u heshiisiinta Dowladda NORWAY Ms. Heidi Johansen kaas oo ay ka wadahadleyn hannaanka ugu wanaagsan ee loo wajihi karo xall u helida Arrimaha Somaliland.
Mudane GULED ayaa warbixin ka siiyay Ergeyga NORWAY sida ay Dowladda FS uga go’an tahay dib u bilaabidda iyo dardargalinta wadahadallada Somaliland, waxaana uu la wadaagnay in ay diyaar u yihiin wax kasta oo looga gun-gaarayo Arrimaha Somaliland.
Dhankeeda Ms. Heidi Johansen ayaa muujisay sida ay diyaarka ugu yihiin in ay Soomaaliya garab istaagaan xili kasta, sidoo kalana ay gacan ka geysan doonaan ka mirra-dhallinta Wadahadallada Dowladda FS iyo Somaliland.
