Xafiiska dambi baarista gudaha Mareykanka ee FBI ayaa sheegay in ay hayaan warar sheegaya in saraakiil Iran iyo Ruush ahi ay ku lug yeelan doonaan doorashada Mareykanka, sida uu sheegay agaasimaha heyโaddaas.
John Ratcliffe ayaa sheegay in saraakiil Amerikaan ah heleen xog ku aadan in hanaanka diiwaan gelinta doorashada Mareykanka heystaan sirdoonka Russia iyo Iran, xilli doorashada Mareykankaย ka harsan tahay 13 maalin oo keli ah.
Related posts
Arrintan ayaa muujinaysa sida dowladda Mareykanka ugu walaacsan tahay in faragelin lagu sameeyo doorashada isla markaana door ku yeeshaan heyโaddo ajnabi ah.
Mr. Ratcliffe, waxaa uu sheegay in sirdoonka Iran oo magaca kale huwan ay Emailo u soo direen codbixiyeyaasha Dimoqraadiga ayagoo abuureya xiisad iyo waxyeeleynta madaxweyne Trump. Isagoo intaas ku daray in xogta codbixinta oo la been abuuray loo ekeysiinayo mid sax ah isla markaana xaalad jahwereer ah keenaysa, taas oo hor seedi karta kalsooni laโaan ku timaada hanaanka dimoqraadiyadda Mareykanka.
Agaasime Ratcliffe, ayaa sidoo kale sheegay in uusan arag saraakiil sirdoonka Russia ka tirsan, laakiin uu aamisan yahay in ay hayaan macluumaadka doorashada Mareykanka ku saabsan.
Gobolo badan oo Mareykanka ah ayaa xogta codbixiyaha la heli karaa, waxaana suurtagal ah in heyโaddaha sirdoonka shisheeye ka faaโideystaan.
“Haddii Emailkaaga ka hesho fariin cabsi gelin ah haka nixin isla markaana ha faafin,” Mr Ratcliffe ย ayaa sidaa yiri.
Si kastaba, Saraakiisha sirdoonka Mareykanka waxay sheegeen in hanaanka doorashada Mareykanka uu yahay mid sugan oo lagu kalsoonaan karo.
Saraakiisha sidoo kale, ma sheegin sida xogtan lagu heley iyo waxa dowladda Russia ka damacsan tahay faragelinta doorashada Mareykanka.
Laamaha sirdoonka Mareykanka ayaa sheegay in 2016 Kremlin uu farageliyay doorashada Mareykanka ka dib markii loo dhacay xogaha doorashada Mareykanka lana carqaladeeyay murashaxnimada Hillary Clinton. Hase yeeshee Iran wali uma suurtagalin in ay xadaan xogaha doorashada Mareykanka.
