Golaha Ammaanka ee Qaramada Midoobey ayaa markii ugu horreysey ka doodey in caalamka laga mamnuuco hubka nukliyeerka.
In ka badan 120 waddan ayaa taageeray heshiiska noocan ah, iyadooย waddamada haysta hubka nukliyeerka iyo ilaa afartan waddan oo kale ayaan soo xaadirin kulankii arrinkan looga hadlayay.
Related posts
Danjiraha Mareykanka u fadhiya Qaramada Midoobey, Nikki Haley, ayaa sheegtey in amaanka dalkeedu u baahanyahay Nukliyeerka,maadaama ay jiraan waxa uu ku tilmaamay dalal hubkaa haysta oo aan la aamini karin.
Ms. Haley ayaa wax lala yaabo ku tilmaantay in Iran ay taageerto hishiiskan iyo in aanay cidina fileyn in Kuuriyada Waqooyi ogolaato heshiis noocan ah.
Danjiraha Ingiriiska ee Qaramada Midoobey Matthew Rycroft ayaa isaguna sheegey in qaabka ugu wanaagsan ee loo wajihi karo heshiis noocan oo kale ah ay tahay in tallaabo tallaabo looga wada xaajoodo arrintan.
Faransiiska ayaa ka mid ahaa dalalka aan ka qayb gelin kulankan ay soo qaban qaabisay Qaramada Midoobay.
Waddamada taageersan heshiiskan ayaa sheegey in xitaa iyada oo aanay wadamada nukliyeerka haystaa kasoo qayb galin kulankan, uu saameyn weyn ku yeelan doono xili khatarta nukliyeerku halkii ugu sareysey taagan tahay ilaa dagaalkii qaboobaa.
