Golaha Ammaanka ee Qaramada Midoobey ayaa meel mariyay cunaqabateyn hor leh oo lagu soo rogay dalka Waqooyiga Kuuriya, iyadoo dowladda waqooyiga Kuuriya ay tijaabisay Galtaallo nooca riddada gaaban ah.
Woqooyiga kuuriya ayaa dhowr gantaal oo kuwa riddada gaaban ah ku ridday xeebaheeda bari ee badda, arrintaasi oo u muuqata in ay uga jawaabeyso xayiraado cusub oo dheeraad ah oo golaha ammaanka qaramada midoobey uu ku soo rogay.
Related posts
Wasaaradda Gaashaandhigga ee dalkaasi ayaa xaqiijisay tijaabinta gantaalladaasi hase yeeshee ma aysan sheegin tirada gantaalladaasi, laakin waxey wasaaraddu tilmaantay in gantaalladaasi ay yihiin kuwa riddada gaaban.
Tijaabinta gantaalladaasi oo timid wax yar uun kaddib markii golaha ammaanku uu ku dhawaaqay cunaqabateyn hor leh oo la saarayo dalkaasi, laakin arrintan ayaa u muuqata mid ay dowladdaasi dhegaha uga fureeysaneyso cunaqabeyntaasi.
Danjiraha Mareykanka u fadhiya Qaramada Midoobey Samantha Power ayaa Golaha Ammaanka u sheegtay in Waqooyiga Kuuriya ay tijaabisay hub nukliyeer ah qarnigan 21-aad, taasoo ay ku tilmaantay xadgudub ka dhan ah sharciga Nukliyeerka.
Haweeneydaasi ayaa ku eedeysay Waqooyiga Kuuriya inay sii horumarineyso hubkeeda nukliyeerka, bedelkii ay dowladdu ka fikiri laheyd baahida aas aasiga ee shacabka dalkaas ay qabaan.
Sidoo kale Koofurta Kuuriya ayaa ku eedeysay Waqooyiga Kuuriya inuu wado daan daansi dagaal, markii uu tijaabiyay gantaaladaasi, waxaayna labadaasi dal ย isu adeegsanayeen hadallo kulul iyo hanjabaadyo.
