Xildhibaanada Golaha Shacabka ee Baarlamaanka Soomaaliya ayaa maanta yeelanaya kulan sida Radio Muqdisho u sheegay Xoghaayaha Guud ee Golaha Shacabka Mudane C/kariin Xaaji Cabdi Buux.
Kulanka maanta ayaa xildhibaanada Golaha Shacabka waxay kaga doodi doonaan heshiiska Hay’adda DP World ee Dekadda Barbara, iyo xeer hoosaadka Golaha Shacabka.
Dowladda Soomaaliya ayaa horay u sheegtay in sharci daro uu yahay heshiiska hay’adda DP World ee Dekadda magaalada Barbara.
Madaxweynaha Jamhuuriyadda Federaalka Soomaaliya mudane Maxamed Cabdullaahi Farmaajo ayaa sheegay in dowladda Soomaaliya ay soo dhowaynayso hay’ad iyo dowlad kasta oo doonaysa inay maal gashato Soomaaliya laakiin loo baahanyahay in loo soo maro wado sharci.
Halkaan ka dhageyso Wareysi aan la yeelanaya Xoghaayaha Guud ee Golaha Shacabka Mudane C/kariin Xaaji Cabdi Buux
