Golaha Shacabka jamhuuriyadda federaalka Soomaaliya ayaa maanta si aqlabiyad ah ku ansixiyay Miisaaniyadda dowladda ee 2017
Kulankan xubnaha golaha shacabka oo ay soo xaadireen 169 xildhibaan, ayaa waxaa ogolaaday ansaxinta miisaaniyadda 167 xildhibaan, waxaana ka aamusay labo mudane oo kaliya.
Ansixinta Miisaaniyadda oo horay golaha ay ugu soo gudbisay Wasaaradda Maaliyadda ee Xukuumadda Soomaaliya , ayaa waxaa Guddoonka Baarlamaanku u xilsaaray in ay si wadajir ah u soo turxaan bixiyaan guddiga maaliyadda ee golaha shacbiga iyo wasaardda maaliyadda.
Ugu dambaynti shir guddoonka golaha shacabka ayaa ku dhawaaqay in miisaaniyaddu ansax tahay.
Miisaaniyadda maanta la ansixiyay ayaa gaareysa lacag dhan 260 milyan oo dollar.
