Shirka Golaha Wadatashiga Qaran oo uu guddoominayo Ra’iisul Wasaaraha Xukuumadda Fedaraalka Soomaaliya, Maxamed Xuseen Rooble, ayaa weli ka socda Xarunta Ciidamada Cirka ee Afisiyooni, kaas oo looga hadlayo arrimaha dokrashooyinka dalka.
Golaha ayaa Maanta kulan la yeeshay wakiillo ka socda Bulshada Rayidka ah iyo haweenka Soomaaliyeed oo ay ka wada hadleen dardargelinta howlaha doorashooyinka dalka, iyagoo ka dhageystay talooyinkooda ku aaddan hufnaanta doorashada iyo xaqiijinta qoondada haweenka.
Ra’iisul Wasaare Maxamed Xuseen Rooble, ayaa u sheegay Ururada Bulshada Rayidka in Xukuumadda ay diyaar u tahay in dalka ka qabato doorashooyin daahfuran oo lagu kalsoonaan karo.
