Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) oo uu wehliyo Guddoomiye Ku-xigeenka Amniga iyo Siyaasadda Gobolka Banaadir Mudane Maxamed Axmed Diiriye (Yabooh), Guddoomiyaha Deegaanka Gubadleey Cabdullaahi Nuur Maxamuud (Kaalibey) iyo Taliyaha Qeybta Bari ee Ciidanka Booliska Soomaaliyeed Gaashaanle Aadan Maxamed Caraale (Macalin Aadan) ayaa Deegaanka Gubadleey kusoo bandhigay daraasiin Jawaano Maandooriye ah.
Howlgalkaan lagu qabtay Maandooriyaha ayaa xalay ka dhacay Deegaanka Gubadleey, iyadoo gacanta lagu dhigay 31 Jawaan Maandooriyaha nuuca loo yaqaan Xashiishka iyo gaarigii uu ku rarnaa.
Ciidamada ammaanka ayaa labo jibaaray howlgallada lagula dagaalamayo waxyaabaha maanka dooriya, Khawaarijta iyo burcadda bulshada dhibaateyneysa.
