Guddiga doorashooyinka heer dowlad goboleed ee Galmudug ayaa hal maalin dib u dhigay doorashada 3 kamid ah kuraasta golaha shacabka, ee deegaan doorashadoodu tahay magaalada Gaalkacyo ee gobolka Mudug.
Berri oo Sabti ah ayaa horay loo qorsheeyey in doorashada kuraastaas lagu qabto Gaalkacyo, balse dib u dhac ayaa ku yimid, sida lagu shaaciyey qoraal ka soo baxay guddiga.
“Guddigu wuxuu hal maalin dib u dhigay shaacinta Guddiga Xulista ergada kuraasta HOP#095, HOP#038 HOP#069, waxaana la shaacinayaa maanta oo Jimcaha oo Taariikhdu tahay 11/03/2022,” ayaa lagu yiri qoraalka guddiga.
Guddiga ayaa Sabtiga berri bilaabi doona diiwaan-gelinta iyo shahaado siinta musharixiinta, waxaana la qorsheeyey in doorashada kuraastaas la qabto Axadda soo socota ee 13-ka bishaan.
