RADIO MUQDISHO:ย Magaalada Baydhaba ee xarunta KMG maamulka Koonfur Galbeed Soomaaliya ayaa maanta waxaa gaadhay xubno ka tirsan Guddiga Doorashooyinka Madaxbannaan ee Qaranka, kuwaas oo halkaasi si diirran loogu soo dhaweeyay.U jeedka safarka Guudiga Doorashooyinka Madaxbanaan ayaa ku aadan sidii ay magaalada Baydhaba iyo deegaannada maamulkaba uga bilaabi lahaayeen, arrimaha ku aadan doorashooyinka qof iyo cod iyo diiwaangelintooda.
Guddiga ayaa inta ay ku sugan yihiin magaalada Baydhaba waxa ay kulamo latashi ah la yeelan doonaan, ardayda jaamacadaha, waxgaradka Koonfur Galbeed, dhalinyarada iyo bulshada qaybaheeda kala duwan, si loogu sameeyo wacyigelin iyo ka xogsiinta arrimaha doorashooyinka, iyagoona sheegay in la diiwaangelin doono cid kasta oo soo buuxisa shuruudaha codbixinta.
Related posts
Waxaa xusid mudan in isla maantaba ay la kulmeen guddigu, duubabka iyo odayaasha dhaqanka Koonfur Galbeed, kuwaas oo soo dhaweeyay in deegannada Koonfur Galbeed ay ka dhacdo doorasho qof iyo cod ah.
Guddiga Doorashooyinka Madaxbannaan ee Qaranka ayaa uga mahadceliyay maamulka Koonfur Galbeed Soomaaliya, sida ay ugu soo dhaweeyeen magaalada Baydhaba, iyo sida ay ugu diyaarsan yihiin shacabkeedu sidii ay uga qayb qaadan lahaayeen doorashooyinka qof iyo cod ee uu madaxweynaha Jamhuuriyadda Federalka Soomaaliya mudane Xasan Sheekh Maxamuud uu horay u iclaamiyay in dalka ay ka dhacdo dagaalladii sokeeyo ee dalku uu galay kadib markii ugu horreysay.
